Мустафо Маҳмуд ўзининг "Ислом у нима?" номли китобида қуйидаги сўзларни келтиради:
Мунозара ҳасталигига чалинганлар доим: "Нима учун Аллоҳ биз учун оғиз, тиш, томоқ ва ошқозонни ейишимиз учун яратиб, кейин рўза тутинглар, деб буюради. Яна гўзаллик ва шаҳватни яратиб, кўзларингизни тийиб, иффатли бўлинглар, деб буюради. Мана шу иш маъқулми?" деб сўрашади.
Мени уларга, балки фақат мана шу кўрсатмагина маъқул холос, деб айтаман. Аллоҳ отни минишинг, бошқаришинг ва бўйсундиришинг учун берган, у сени миниб, бошқариши ва бўйсундириши учун эмас. Тана‑аъзоинг ҳам ҳукмронлик қилиб, бошқариб, тушовлаб, ўз мақсадинг йўлида ишлатиш учун яратилган. Аниқки, у сени бошқариб, шаҳвати орқали устингдан ҳукмронлик қилиши учун уни яратмаган. Шаҳватга ҳукмронлик қилиб, ҳавойи нафсни бошқариб, ошқозонни тушовлаш ҳақиқий инсоннинг аломатидир. Демак, сен яхши кўрган нарсангга курашиб, нафсинг истамаган нарсани бажариш орқали ҳақиқий инсонга айланасан. Аммо бор ғаминг қорнинг ва шаҳватингга бўйсуниш бўлса, унда сен асо билан туртиб, майса‑беда боғлами ҳаракатга келтирадиган ҳайвонга айланасан. Ахир Аллоҳ бизни бу нарса учун яратмаганку?!
