أهلا وسهلا ومرحبا إلى صحيفتنا
01 / 01

أهلا وسهلا ومرحبا إلى صحيفتنا

Саҳифамизга хуш келибсиз, марҳабо!

Тасвирдаги ҳикматлар-5344

Category: Ҳикматлар Written by Анвар Аҳмад

Имом Суютий роҳимаҳуллоҳ айтдилар:

Набий саллаллоҳу алайҳи васалламга кўп салавот айтиш ризқ ва баракани кўпайтириб, ҳожатларни бароридан келтиради, ғам‑ғусса ва муаммоларни бартараф қилади. Буларнинг барчаси аввалги ва кейинги олимлар орасида мушоҳада қилиниб, тажрибадан ўтган.

Бакрий роҳимаҳуллоҳ айтдилар:

Пайғамбар саллаллоҳу алайҳи васалламга салавот айтишнинг фойдалари чекланмаган даражада кўпдир. Салавот айтиш қалбни зулумотдан чиқаради, қариликдан беҳожат қилади, (Аллоҳга) етишишга сабабчи бўлади ва ризқни кўпайтиради. Ким салавот айтишни кўпайтирса, Аллоҳ унинг танасини дўзахдан омонда қилади.

Саллаллоҳу алайҳи васаллам.

ЭЛЕКТРОН ДАСТУРЛАР

Дарсликлар

Андроид дастурлар

Китобларни юклаш

МЕДИА ФАЙЛЛАР


Рейтинг@Mail.ru

АНВАР АҲМАД

GRAND TA'LIM нодавлат таълим муассасаси катта устози Анвар Аҳмад таълим даргоҳига асос солинган илк кунлардан бери фаолият юритади. Араб тили грамматикасида оид кўплаб дарслик ва адабиётлар тўпловчиси ва муаллифларидан.

arabic.uz сайтининг муҳаррири, "Риёзус солиҳийн", "Ал-Азкор", "Саодатга етакловчи ҳикматлар" ва бошқа кўплаб асарлар таржимони ва нашрга тайёрловчиси.

Анвар Аҳмад 1977 йилда таваллуд топган, оилали 4 нафар фарзанди бор. Миср Араб Республикасининг Азҳари Шариф, ал Азҳар институтлар бўлими, эъдодий ўрта-махсус билим юртини тамомлаган.

Шайх Муҳаммад Содиқ Муҳаммад Юсуф раҳимаҳуллоҳнинг шогирди. "Саҳиҳи Бухорий"дан шайх хазратларидан ижоза олган. “Олтин силсила” таржимонлар гуруҳининг аъзоси.

Аввал Миср Араб республикаси элчихонаси қошидаги фан ва таълим марказида араб тили ўқитувчиси, 2008 йилдан эса GRAND TA’LIM етакчи ўқитувчиларидан.

МАҚСАДИМИЗ

Миллий қадриятларимиз, маънавий бой меросимизни тиклаш ва уларни чуқур ўрганиш, унинг мазмун-моҳияти ва аҳамиятини халқимиз ўртасида тарғиб этиш, имом Замахшарий, Абдураҳмон Жомий каби бобокалонларимиз ижод қилган араб тили ва грамматикасига бўлган рағбатни қондириш, сақланаётган тарихий ва нодир қўлёзмаларни авлодларга етказиш, аждодларимиз ҳаёти, ахлоқи ва юксак маънавиятини ифодаловчи матнларни таржима қилиб, ёшлар қалбида улар қолдирган меросга ҳурмат, эъзоз ва муҳаббат туйғусини шакллантириш.

БИЗ БИЛАН БОҒЛАНИШ:  [email protected]