أهلا وسهلا ومرحبا إلى صحيفتنا
01 / 01

أهلا وسهلا ومرحبا إلى صحيفتنا

Саҳифамизга хуш келибсиз, марҳабо!

Тасвирдаги ҳикматлар-6004

Category: Ҳикматлар Written by Анвар Аҳмад

Умр мезони!

Баъзилар умрни йиллар билан ўлчаб хато қиладилар. Гоҳида ўтган йилларга атаб туғилган кун қилиб тантанали нишонлайдилар. Аслида яшаб ўтилган умрни қандай ўтказганлиги билан сарҳисоб қилиши керак эди. Яъни, шунча йил умр кўриб нимани амалга оширди? У жамиятга ҳеч вақо тақдим қилмадику?! У жамиятга боқиманда бўлиб яшадику?!

Масалан, имом Нававий 45 ёшга етмасдан вафот қилдилар. Аммо у зотнинг китоблари барча хонадонларга кириб борган. У кишининг китоблари Шофеъий мазҳабига асос қилиб олинган.

Жамолиддин Қосимий эса, 50 ёшга етмай туриб вафот топганлар. Лекин ортларидан тафсир ва 11 та муҳим китоб қолдириб кетганлар.

Имом Ғаззолий 55 йил яшаганлар ва ҳужжатул ислом унвонига мушарраф бўлганлар. У зотнинг "Иҳёу улумиддин" китобларини бутун асрлар мобайнидан то ҳозирги кунимизгача одамлар фойдаланиб келишади.

Аллоҳим! Ўзингга яқинлаштирадиган амалларда бизни ҳам илҳомлантир!

ЭЛЕКТРОН ДАСТУРЛАР

Дарсликлар

Андроид дастурлар

Китобларни юклаш

МЕДИА ФАЙЛЛАР


Рейтинг@Mail.ru

АНВАР АҲМАД

GRAND TA'LIM нодавлат таълим муассасаси катта устози Анвар Аҳмад таълим даргоҳига асос солинган илк кунлардан бери фаолият юритади. Араб тили грамматикасида оид кўплаб дарслик ва адабиётлар тўпловчиси ва муаллифларидан.

arabic.uz сайтининг муҳаррири, "Риёзус солиҳийн", "Ал-Азкор", "Саодатга етакловчи ҳикматлар" ва бошқа кўплаб асарлар таржимони ва нашрга тайёрловчиси.

Анвар Аҳмад 1977 йилда таваллуд топган, оилали 4 нафар фарзанди бор. Миср Араб Республикасининг Азҳари Шариф, ал Азҳар институтлар бўлими, эъдодий ўрта-махсус билим юртини тамомлаган.

Шайх Муҳаммад Содиқ Муҳаммад Юсуф раҳимаҳуллоҳнинг шогирди. "Саҳиҳи Бухорий"дан шайх хазратларидан ижоза олган. “Олтин силсила” таржимонлар гуруҳининг аъзоси.

Аввал Миср Араб республикаси элчихонаси қошидаги фан ва таълим марказида араб тили ўқитувчиси, 2008 йилдан эса GRAND TA’LIM етакчи ўқитувчиларидан.

МАҚСАДИМИЗ

Миллий қадриятларимиз, маънавий бой меросимизни тиклаш ва уларни чуқур ўрганиш, унинг мазмун-моҳияти ва аҳамиятини халқимиз ўртасида тарғиб этиш, имом Замахшарий, Абдураҳмон Жомий каби бобокалонларимиз ижод қилган араб тили ва грамматикасига бўлган рағбатни қондириш, сақланаётган тарихий ва нодир қўлёзмаларни авлодларга етказиш, аждодларимиз ҳаёти, ахлоқи ва юксак маънавиятини ифодаловчи матнларни таржима қилиб, ёшлар қалбида улар қолдирган меросга ҳурмат, эъзоз ва муҳаббат туйғусини шакллантириш.

БИЗ БИЛАН БОҒЛАНИШ:  [email protected]