Руҳий тарбия йўлини маҳкам тутган сулукдаги муриднинг нафси билан бўладиган одоби ҳақида:
Агар мурид руҳий тарбия йўлига кирганида унинг ризқи торайса ва бандаларнинг қалби унга нисбатан қаттиқлашса, сабр қилсин ва безовталанмасин. Кўпинча мурид сулук йўлига кирганида дунёси ўзгариб кетади. Кўпинча у: "Мен бу йўлга киришимга эҳтиёж йўқ экан", деб аҳдини бузади ва оқибатда ундан кейин ҳечам нажот топа олмайди. Агар у руҳий тарбия йўлига кирганида машаққат етса, Аллоҳ, ундаги қалб кўзини очишни ва Аллоҳ муҳаббатига дунё муҳаббати аралашмаслигини истаган бўлади. Демак, солик қийинчиликларни орқасига улоқтирмоғи лозим бўлади.