أهلا وسهلا ومرحبا إلى صحيفتنا
01 / 01

أهلا وسهلا ومرحبا إلى صحيفتنا

Саҳифамизга хуш келибсиз, марҳабо!

Тасвирдаги ҳикматлар-5682

Category: Ҳикматлар Written by Анвар Аҳмад

Али Тантовий роҳимаҳуллоҳнинг эсдаликларидан:

Шайх Али адабиётдан маъруза ўқишлари учун у кишини Ироққа юборишди. Маърузалар залига киришдан олдин Бағдод кўчаларини айланиб, узоқ вақт юрдилар. Сўнгра залга ҳорғин ҳолда кирдилар. У ерда дарс ўтаётган устоз шайх Алини ҳам талабалардан бири деб ўйлаб: "Эй сен эшак! Нима учун дарсдан кеч қолдинг?" деди. Шайх Али узр айтиб, сафга кириб, талабалар ўтирган ўриндиқлардан бирига ўтирдилар. Шунда залдаги устоз: "Сизлар ҳузурингизга адабиётдан маъруза ўқиш учун катта адиб Али Тантовий келадилар. У муҳтарам зотнинг олдларида юзимни шувут қилманглар", дедида, ҳозирда келиб ўтирган талабадан адабиёт ҳақида сўрашни бошлади. Шайх Али эса талабалардек жавоб берардилар. Сўнгра устоз, шайх Алидан шоир Буҳтарий билан Абу Таммом орасини таққослашга лаёқатинг борми? деб сўраган эди, шайх Али сиполикда унга жавоб бердилар. Устоз: "Кўриниб турибди, сен яхши талаба экансан, исминг нима?" деган эди, у киши: "Исмим Али Тантовий!" дедилар. Шунда ҳалиги устоз бу жавобдан ақлдан озиб, ҳушидан кетишига сал қолди.

ЭЛЕКТРОН ДАСТУРЛАР

Дарсликлар

Андроид дастурлар

Китобларни юклаш

МЕДИА ФАЙЛЛАР


Рейтинг@Mail.ru

АНВАР АҲМАД

GRAND TA'LIM нодавлат таълим муассасаси катта устози Анвар Аҳмад таълим даргоҳига асос солинган илк кунлардан бери фаолият юритади. Араб тили грамматикасида оид кўплаб дарслик ва адабиётлар тўпловчиси ва муаллифларидан.

arabic.uz сайтининг муҳаррири, "Риёзус солиҳийн", "Ал-Азкор", "Саодатга етакловчи ҳикматлар" ва бошқа кўплаб асарлар таржимони ва нашрга тайёрловчиси.

Анвар Аҳмад 1977 йилда таваллуд топган, оилали 4 нафар фарзанди бор. Миср Араб Республикасининг Азҳари Шариф, ал Азҳар институтлар бўлими, эъдодий ўрта-махсус билим юртини тамомлаган.

Шайх Муҳаммад Содиқ Муҳаммад Юсуф раҳимаҳуллоҳнинг шогирди. "Саҳиҳи Бухорий"дан шайх хазратларидан ижоза олган. “Олтин силсила” таржимонлар гуруҳининг аъзоси.

Аввал Миср Араб республикаси элчихонаси қошидаги фан ва таълим марказида араб тили ўқитувчиси, 2008 йилдан эса GRAND TA’LIM етакчи ўқитувчиларидан.

МАҚСАДИМИЗ

Миллий қадриятларимиз, маънавий бой меросимизни тиклаш ва уларни чуқур ўрганиш, унинг мазмун-моҳияти ва аҳамиятини халқимиз ўртасида тарғиб этиш, имом Замахшарий, Абдураҳмон Жомий каби бобокалонларимиз ижод қилган араб тили ва грамматикасига бўлган рағбатни қондириш, сақланаётган тарихий ва нодир қўлёзмаларни авлодларга етказиш, аждодларимиз ҳаёти, ахлоқи ва юксак маънавиятини ифодаловчи матнларни таржима қилиб, ёшлар қалбида улар қолдирган меросга ҳурмат, эъзоз ва муҳаббат туйғусини шакллантириш.

БИЗ БИЛАН БОҒЛАНИШ:  [email protected]