أهلا وسهلا ومرحبا إلى صحيفتنا
01 / 01

أهلا وسهلا ومرحبا إلى صحيفتنا

Саҳифамизга хуш келибсиз, марҳабо!

33. Тамйиз


التَّمْيِيزُ
Тамйиз (аниқлаштирувчи)


М: يُبَاعُ الكِتَابُ بِرَطْلٍ ذَهَبًا Китоб бир ратл тиллага сотилади жумласидаги «ذَهَبًا тиллага» сўзи «тамйиз», деб номланади.
Ҳажм, оғирлик, узунлик ўлчовлари, сонлар каби, барча номлар ноаниқ ҳолатдаги сўзлардир.
Агар сен: «Мен бир қинтор сотиб олдим» деб жим турсанг тингловчи қинтордан исталган мақсад нималигини тушунмайди. Сотиб олинган нарса кофе доними, шакарми, совунми ёки бошқа нарсами, у билолмайди. Агар сен: «Мен бир қинтор кофе донини сотиб олдим» деб айтсанг, қинтордан исталган мақсад нима эканини аниқлаштирган бўласан. Мазкур жумладаги кофе сўзи «тамйиз», дейилади, у эса насб ҳолатида бўлади.
Қуйидаги: «Савдогар бир ирдаб буғдой, бир қинтор шакар, юз зироъ ипак сотди».
«Мен бир соъ арпа, бир ратл асал, бир зироъ жун сотиб олдим», жумлаларида тамйизга мисоллар келтирилади.
Жумладаги кўзланган мақсадни ифодаловчи сўздан кейин келиб у сўзни аниқлаштириб, ажратиб берган сўз «тамйиз», дейилади.

ЭЛЕКТРОН ДАСТУРЛАР

Андроид дастурлар


Рейтинг@Mail.ru

АНВАР АҲМАД

GRAND TA'LIM нодавлат таълим муассасаси катта устози Анвар Аҳмад таълим даргоҳига асос солинган илк кунлардан бери фаолият юритади. Араб тили грамматикасида оид кўплаб дарслик ва адабиётлар тўпловчиси ва муаллифларидан.

arabic.uz сайтининг муҳаррири, "Риёзус солиҳийн", "Ал-Азкор", "Саодатга етакловчи ҳикматлар" ва бошқа кўплаб асарлар таржимони ва нашрга тайёрловчиси.

Анвар Аҳмад 1977 йилда таваллуд топган, оилали 4 нафар фарзанди бор. Миср Араб Республикасининг Азҳари Шариф, ал Азҳар институтлар бўлими, эъдодий ўрта-махсус билим юртини тамомлаган.

Шайх Муҳаммад Содиқ Муҳаммад Юсуф раҳимаҳуллоҳнинг шогирди. "Саҳиҳи Бухорий"дан шайх хазратларидан ижоза олган. “Олтин силсила” таржимонлар гуруҳининг аъзоси.

Аввал Миср Араб республикаси элчихонаси қошидаги фан ва таълим марказида араб тили ўқитувчиси, 2008 йилдан эса GRAND TA’LIM етакчи ўқитувчиларидан.

МАҚСАДИМИЗ

Миллий қадриятларимиз, маънавий бой меросимизни тиклаш ва уларни чуқур ўрганиш, унинг мазмун-моҳияти ва аҳамиятини халқимиз ўртасида тарғиб этиш, имом Замахшарий, Абдураҳмон Жомий каби бобокалонларимиз ижод қилган араб тили ва грамматикасига бўлган рағбатни қондириш, сақланаётган тарихий ва нодир қўлёзмаларни авлодларга етказиш, аждодларимиз ҳаёти, ахлоқи ва юксак маънавиятини ифодаловчи матнларни таржима қилиб, ёшлар қалбида улар қолдирган меросга ҳурмат, эъзоз ва муҳаббат туйғусини шакллантириш.

БИЗ БИЛАН БОҒЛАНИШ:  [email protected]