رَفْعُ الفِعْلِ وَمَوَاضِعُهُ
Феълнинг рафъ (аниқлик майли) ўринлари
Буларнинг барчасидан, яъни насб ва жазм қилувчи калималар (юкламалар)дан холи бўлганида феъл рафъ қилинади.
Биз феълларда насб ва жазм ҳолатларини билиб олганимиздан сўнг, рафъ ҳолатини билиш қийин эмас. Ҳар бир музореъ феъли ўтган тўртта насб қилувчи калималарнинг биридан кейин келмаса ёки мазкур жазм ўқитувчи ўн олтита калималарнинг биридан кейин келмаса, у ҳолда албатта рафъ қилинади.
М: يخففُ اللهُ عنكم (Аллоҳ сизлардан енгиллатади).
يثمرُ بستاننا (Боғимиз мевали бўлади).
يلزمُ الإنسان حدّه (Инсон ўз чегарасини билиши лозим) ва ҳоказо.
Шу ергача биз феълнинг насб, жазм ва рафъ ўринлари билан танишиб чиқдик. Энди феълда хато қилиб қўйишдан қўрқмаймиз. Шунингдек, биз барча мўъраб калималарда хато қилиб қўймаслигимиз учун энди исмнинг рафъ, насб ва жар ўринларини билишга ҳаракат қилишимиз лозим.