أهلا وسهلا ومرحبا إلى صحيفتنا
01 / 01

أهلا وسهلا ومرحبا إلى صحيفتنا

Саҳифамизга хуш келибсиз, марҳабо!

3. Мозий, музореъ ва амр.

الْمَاضِي والْمُضَارِعُ وَالأَمْرُ

МОЗИЙ (ЎТГАН ЗАМОН), МУЗОРЕЪ (ҲОЗИРГИ-КЕЛАСИ ЗАМОН) ВА АМР (БУЙРУҚ МАЙЛИ)


Феъл уч қисмга бўлинади:
мозий, м: كَتَبَ ёзди; музореъ, м: يَكْتُبُ ёзяпти, ёзади; амр м: اكْتُبْ ёз!
Юқорида барча сўзлар уч турга яъни феъл, исм ва ҳарфга бўлиниши айтиб ўтилди. Шунингдек, иш-ҳаракат ва замонни англатувчи ҳар бир сўз феъл деб айтилишини ҳам баён қилиб бердик.
Феъл уч қисмга бўлинади: мозий, музорий ва амр.
Иш-ҳаракатнинг ўтган замонда бўлганини англатувчи феъл "мозий", деб аталади.
М: كَتَبَ (ёзди), دَحْرَجَ (юмалатди), انْطَلَقَ (кетди), اسْتَخْرَجَ (чиқарди).
Иш-ҳаракатнинг ҳозирги-келаси замонда бўлганини англатувчи феъл "музореъ", деб аталади.
М: يَكْتُبُ (ёзяпти, ёзади), يُدَحْرِجُ (юмалатяпти, юмалатади), يَنْطَلِقُ (кетяпти, кетади), يَسْتَخْرِجُ (чиқаряпти, чиқаради).
Музореъ феъли «أنَيتَ » ҳарфлари яъни «Музориъат» билан бошланган бўлиши лозим.
Иш-ҳаракатда талаб-буйруқ маъносини англатадиган феъл "амр", дейилади.
М: اكْتُبْ (ёз), دَحْرِجْ (юмалат), انْطَلِقْ (кет), اسْتَخْرِجْ (чиқар).
Амр олиш қоидаси
Амр феълини музореънинг олти мухотаб сийғасидан икки йўл билан олинади.
1. Ҳарфи музораатни туширилади.
2. Охирини сукун қилинади.
Биринчи ҳарф сукунли бўлгани учун бир алифи васлияни олиб келинади. Агар феълнинг музореъсидаги ўрта ўзаги яъни يفعل нинг  عни муқобилидаги ҳарфни ҳаракати заммалик бўлса алифи васлияни замма қилинади.
Масалан اُكْتُبْ ёз.
Қолган икки ҳолатда васлий алиф касра бўлади.
Масалан اِفْتَحْ، اِضْرِبْ  каби.
Муаннас мухотаб кўпликни нунидан бошқа нунларни тушиши сукунни ўрнини босади.

ЭЛЕКТРОН ДАСТУРЛАР

Андроид дастурлар


Рейтинг@Mail.ru

АНВАР АҲМАД

GRAND TA'LIM нодавлат таълим муассасаси катта устози Анвар Аҳмад таълим даргоҳига асос солинган илк кунлардан бери фаолият юритади. Араб тили грамматикасида оид кўплаб дарслик ва адабиётлар тўпловчиси ва муаллифларидан.

arabic.uz сайтининг муҳаррири, "Риёзус солиҳийн", "Ал-Азкор", "Саодатга етакловчи ҳикматлар" ва бошқа кўплаб асарлар таржимони ва нашрга тайёрловчиси.

Анвар Аҳмад 1977 йилда таваллуд топган, оилали 4 нафар фарзанди бор. Миср Араб Республикасининг Азҳари Шариф, ал Азҳар институтлар бўлими, эъдодий ўрта-махсус билим юртини тамомлаган.

Шайх Муҳаммад Содиқ Муҳаммад Юсуф раҳимаҳуллоҳнинг шогирди. "Саҳиҳи Бухорий"дан шайх хазратларидан ижоза олган. “Олтин силсила” таржимонлар гуруҳининг аъзоси.

Аввал Миср Араб республикаси элчихонаси қошидаги фан ва таълим марказида араб тили ўқитувчиси, 2008 йилдан эса GRAND TA’LIM етакчи ўқитувчиларидан.

МАҚСАДИМИЗ

Миллий қадриятларимиз, маънавий бой меросимизни тиклаш ва уларни чуқур ўрганиш, унинг мазмун-моҳияти ва аҳамиятини халқимиз ўртасида тарғиб этиш, имом Замахшарий, Абдураҳмон Жомий каби бобокалонларимиз ижод қилган араб тили ва грамматикасига бўлган рағбатни қондириш, сақланаётган тарихий ва нодир қўлёзмаларни авлодларга етказиш, аждодларимиз ҳаёти, ахлоқи ва юксак маънавиятини ифодаловчи матнларни таржима қилиб, ёшлар қалбида улар қолдирган меросга ҳурмат, эъзоз ва муҳаббат туйғусини шакллантириш.

БИЗ БИЛАН БОҒЛАНИШ:  [email protected]